स्वानंद

       🌾🌾अभंग 🌾🌾      पूर्वजांसी नरका ।      जाणें तें एक आइका ।।१।।      निंदा करावी चाहाडी ।      मनीं धरूनि आवडी ।।२।।      मात्रागमना ऐसी ।      जोडी पातकांची राशी ।।३।।      तुका म्हणे वाट ।      कुंभ(भी)पाकाची ते नीट ।।४।। 🌷🌷🌷🌷🌷🌷🌷🌷🌷🌷      🌻🌻भावार्थ:-🌻🌻 अहो जन हो, तुमच्या पूर्वजांना नरकास घालवावयाचें असेल तर मी सांगतों तें एक ऐका; तें असें. १. मनांत मोठी प्रीति धरून दुसऱ्याची (विशेषतः वेदांची व संतांची) निंदा करावी व चहाडी सांगावी. २. त्या योगानें मात्रागमनासारख्या पातकांच्या राशींचा बोजा त्याजवर होतो. ३.      तुकाराम महाराज म्हणतात, ही वाट कुंभीपाक नरकाकडे जाण्याची आहे. ४. 💥💥💥💥💥💥💥💥💥💥 ⛳⛳🙏🏻राम कृष्ण हरि🙏🏻⛳⛳ 💐💐🙏🏻पांडुरंग हरि🙏🏻💐💐

।।ॐ नमो सद्गुरू एकनाथाय नमः।। 🔴अभंग एकोणिसावा🔴 परिमळ गेलिया वोस फुल देठीं । आयुष्या शेवटीं देह तैसा ॥ १ ॥ घडीघडी काळ वाट याची पाहे । अजून किती आहे अवकाश ॥ २ ॥ हाचि अनुताप घेऊन सावध । कांहीं तरी बोध करीं मना ॥ ३ ॥ एक तास उरला खट्वांग रायासी । भाग्यदशा कैसी प्राप्त झाली ॥ ४ ॥ सांपडला हरि तयाला साधनीं । एका जनार्दनीं हरि बोला ॥ ५ ॥ 🍁🌾🍁भावार्थ🍁🌾🍁 फुलातील सुगंध निघून गेल्यावर ते जसे देठावर (सुगंधीहीन) राहते. त्याप्रमाणे आयुष्य संपल्यावर देह चैतन्य हीन राहतो. ।।१।। या देहाला नेण्याचा अजून किती अवकाश आहे. याची कळीकाळ घाटकोघटकी वाट पाहत असतो. ।।२।। हाच विचार मनात घेऊन सावध हो आणि मनाला काहीतरी बोध कर. (जागृती दे.) ।।३।। खट्वांग राजाचे एक तासाचेच आयुष्य उरले होते पण तेवढ्याच काळात त्याला केवढी भाग्य दशा प्राप्त झाली. ।।४।। त्याला तेवढ्याच अवकाशात त्याने केलेल्या साधनाने हरीची प्राप्ती झाली. म्हणून तुम्ही हरी म्हणा, असे जनार्दन स्वामींचे शिष्य एकनाथ महाराज म्हणतात. ।।५।। 🌻🙏आपला दासानुदास 🙏🌻

🌷🌱अभंग नाथांचे🌱🌷 हरीचे ते दास । ज्यांचा पंढरीसी वास ।।१।। येती नेमें पंढरीसी । दरूशन घेती विठ्ठलासी ।।२।। करिती चंद्रभागे स्नान । पूर्वजा उध्दरतीं जाण ।।३।। करिती गोपाळकाला । गोपाळपुरी मिळोनि मेळा ।।४।। ऐसा जया घडे नेम । एका जनार्दनीं निष्काम ।।५।। 🌺🌾भावार्थ :-🌾🌺 हरीचे दास पंढरीस नित्यनेमाने येऊन विठ्ठलाचे दर्श़न घेतात. चंद्रभागेचे स्नान करुन लाभलेल्या पुण्यफलाने पूर्वजांचा उध्दार होतो. गोपाळपुरीं एकत्र जमून गोपाळकाला करतात. असा नेम ज्यांना घडतो ते भक्त निष्काम कर्मयोगी आहेत असे एकनाथ महाराज म्हणतात. 🚩🙏राम कृष्ण हरी 🙏🚩

।। ॐनमो सद्गुरू एकनाथाय नमः।।      🔴अभंग आठरावा🔴 न जायेचि ताठा नित्य खटाटोप । मण्डुकीं वटवट तैसे ते गा ॥ १ ॥ प्रेमावीण भजन नाकाविण मोती । अर्थाविण पोथी वाचुनी काय ॥ २ ॥ कुंकवा नाहीं ठावे म्हणे मी आहेव । भावावीण देव कैसा पावे ॥ ३ ॥ अनुतापेवीण भाव कैसा राहे । अनुभवें पाहें शोधूनियां ॥ ४ ॥ पाहतां पाहणें गेलें तें शोधूनी । एका जनार्दनीं अनुभविलें ॥ ५ ॥ 🌷🌻🍁भावार्थ🍁🌻🌷 (अध्ययनाचे) खटाटोप नेहमी चालू आहेत, पण अंगातील ताठा जर जात नसेल तर अरे, मग ते अध्ययन बेडकाच्या बडबडी प्रमाणेच आहे. ।।१।। प्रेमाशिवाय भजन, नाकाशिवाय मोती व अर्थाशिवाय पोथी वाचणे हे फुकट नाही काय ?. ।।२।। कुंकवाला तर ठिकाण नाही आणि मी सौभाग्यवती आहे असे म्हणते ! आणि तसा भाव तर नाही मग देव कसा प्राप्त होईल?. ।।३।। अनुतापावाचून भाव कसा राहील? हे अनुभवाने तू शोधून पहा. ।।४।। शोध करू गेले असता पाहणारा आणि पाहणे हे दोन्ही जातात. हे मी अनुभवले, असे जनार्दन स्वामींचे शिष्य एकनाथ महाराज म्हणतात. ।।५।। 🌼🙏आपला दासानुदास 🙏🌼

 श्री संत एकनाथ महाराजकृत                         हरिपाठ 🌾🌺 अभंग सतरावा 🌺🌾 काय पद्मनीचे षंढासी सोहळे । वांझेसी डोहाळे कैची होती ॥ १ ॥ अंधापुढें दीप खरासी चंदन । सर्पासी दुधपान करूं नये ॥ २ ॥ क्रोधि अविश्वासी त्यासी बोध कैंचा । व्यर्थ आपुली वाचा शिणवूं नये ॥ ३ ॥ खळाची संगती उपयोगासी न ये । आपणा अपाय त्याचे संगे ॥ ४ ॥ वैष्णवीं कुपथ्य टाकिल वाळूनी । एका जनार्दनीं तेचि भले ॥ ५ ॥ 🍀🌷🌻🍁 भावार्थ 🍁🌻🌷🍀 नपुंसकाला पद्मिनीचे सोहळे काय? वांज स्त्रीला डोहाळे कुठले होणार? ।।१।। आंधळ्यांपुढे दिवा ठेऊ नये, गाढवाला चंदन लावू नये, सर्पाला दूधपान करू नये. (कारण तसे केले तरी त्याचा त्यांना काय उपयोग ?) ।।२।। जो क्रोधी अविश्वासी आहे त्यास बोध कोठून होणार? म्हणून त्याला बोध करून आपल्या वाणीला शिण देऊ नये. ।।३।। दुष्ट  लोकांची संगती आपल्याला केव्हाही उपयोगी पडणार नाही. उलट त्यामुळे आपला घात मात्र होईल. ।।४।। जनार्दन स्वामींचे शिष्य एकनाथ महाराज म्हणतात, ज्या वैष्णवांनी असे हे कुपथ्य दूर फेकून दिले तेच शहाणे होत. ।।५।। 🌼🙏आपल...

🌾🌱🌾 अभंग 🌱🌾🌱 घडती पुण्याचिया रासी । जे पंढरीसी जाती नेमें ।।१।। घडतां चंद्रभागे स्नान । आणि दरूशन पुंडलिक ।।२।। पाहतां विटेवरी जगदीश । पुराणपुरूष व्यापक ।।३।। वारकरी गायी सदा । प्रेमे गौविंदा आळविती ।। ४ ।। तया स्थळीं मज ठेवा. । आठवा जनीं जनार्दन ।।५।। शरण एका जनार्दन । करा माझी आठवण ।।६।।    💦🌾💦भावार्थ 💦🌾💦 जे भाविक नित्यनेमाने पंढरीची वारी करतात त्यांच्या पुण्याचा राशींनी संचय होतो . या भाविकांना चंद्रभागेचे स्नान घडते, भक्त पुंडलिकाचे दर्शन घडते. चराचरात व्यापलेल्या पुराणपुरुष जगदीशाचे ध्यान याच देही याचडोळां बघावयास मिळतें. वारकरी सतत विठुनामाचा घोष करुन देवाला आळवतात . त्यां पवित्र स्थळीं निवास लाभावा अशी इच्छा व्यक्त करुन एकनाथ महाराज सद्गुरु जनार्दन स्वामींना शरण जातात. 🚩🙏राम कृष्ण हरी 🙏🚩

।।ॐ नमो सद्गुरू एकनाथाय नमः।।        🔴अभंग सोळावा🔴 कल्पनेपासूनी कल्पिला जो ठेवा । तेणें पडे गोंवा नेणे हरी ॥ १ ॥ दिधल्या वांचूनि फळप्राप्ति कैंची । इच्छा कल्पनेची व्यर्थ बापा ॥ २ ॥ इच्छावे ते जवळी चरण हरीचे । चरण सर्व नारायण देतो तुज ॥ ३ ॥ न सुटे कल्पना अभिमानाची गांठी । घेतां जन्म कोटी हरि कैंचा ॥ ४ ॥ एका जनार्दनीं सांपडली खूण । कल्पना अभिमान हरि झाला ॥ ५ ॥ 🍀🌷🌻🍁भावार्थ🍁🌻🌷🍀 कल्पनेमुळे इच्छांचा जो साठा तयार झाला त्यामुळे गुंतडा ( अडथळा) निर्माण होतो, म्हणून हरी जाणला जात नाही. ।।१।। दिल्याशिवाय फळाचा लाभ कसा होणार? हे बाबा ? नुसत्या कल्पनेने इच्छा करीत राहणे फुकट आहे. ।।२।। देवाचे चरण जवळ असावे अशीच इच्छा करावी नारायण तुला सर्व देईल. ।।३।। कल्पना व अभिमानाची गाठ जर सुटली नाही तर कोट्यवधी जन्म घेतले तरी हरीची प्राप्ती कशी होणार? ।।४।। जनार्दन स्वामींचे शिष्य एकनाथ महाराज म्हणतात, हरीचा जप करणे ही खूण मला सापडली व त्यायोगे माझ्या ठिकाणची कल्पना व अभिमान हरिरुप झाला. ।।५।। 🌼🙏आपला दासानुदास 🙏🌼