याजसाठी केला होता अट्टाहास

🍃🍃🍃अभंग🍃🍃🍃
याजसाठी केला होता अट्टाहास।
सेवटीचा दिस गोड व्हावा ।।१।।
आत्ता निश्चितीने पावलो विसावा ।
खुंटलीये धावा तृष्णेचिया ।।२।।
कवतुक वाटे जालिया वेचाचे ।
नाव मंगळाचे तेणे गुणे ।।३।।
तुका म्हणे मुक्ती परिणीली नोवरी ।
आता दिवस चारी खेळीमेळी ।।४।।
🌻🌻🌻🌻🌻🌻🌻🌻🌻🌻
आयुष्यातील शेवटचे दिवस चांगले जावेत, अंतकाळी ईश्वराच्या चिंतनात काळ सुखाने जावा यासाठीच सर्व खटाटोप केला होता. १.
आता निश्चयाने मी निष्काळजी होऊन विश्रांतीचे सुख घेत आहे. या पुढे तृष्णेचि धावाधाव होणार नाही. २.
त्या श्रीहरीच्या नामस्मरणात व चिंतनात आतापर्यंत आयुष्य खर्च झाले याचेच मोठे कवतुक वाटते श्रीहरीच्या मंगल नामस्मरणाचाच हा गुण आहे. ३.
तुकाराम महाराज म्हणतात, आता मी मुक्ती हीच नवरी स्वीकारून तिच्याशी लग्न केले आहे. आता यापुढेचे चार दिवस, उरलेले थोडे दिवस मी तिच्याशी क्रीडा करण्यात घालवणार आहे. ४.
🍃🍂🍃🍂🍃🍂🍃🍂🍃🍂🍃🍂

Comments

Post a Comment

Popular posts from this blog

भक्त ऐसे जाणा जे देही उदास..

Image
🍃🍃🍃अभंग🍃🍃🍃 भक्त ऐसे जाणा जे देही उदास । गेले आशापाश निवरूनी ।।१।। विषय तो त्याचा झाला नारायण । नावडे धन जन माता पिता ।।२।। निर्वाणी गोविंद असे मागे पुढे । काहीच साकडे पडो नेदी ।।३।। तुका म्हणे सत्य कर्मा व्हावे साह्य । घातलीय भये नर्कां जाणे ।।४।। 🌹🌹🌹🌹🌹🌹🌹🌹🌹🌹🌹🌹 जे देह भावाविषयी उदास झाले आहेत व ज्यांचे आशापाश नष्ट झाले आहेत त्यांनाच ईश्वराचे भक्त समजावे. १ त्यांना नारायण हाच एक विषय झालेला असून धन जन माता पिता असा लौकिक आवडेनासा होतो.२. अशा भक्तांच्या संकट प्रसंगी त्यांना सांभाळणारा गोविंद त्यांच्या मागे पुढे सांभाळीत असतो. तो त्यांना काहीच संकटे पडू देत नाही.३. तुकाराम महाराज म्हणतात, चांगल्या कार्याला सर्वांनी साह्य करावे, याविषयी कुणी भय घालेल तर तो नरकातच जाईल.४. 🌾🌾🌾🌾🌾🌾🌾🌾🌾🌾🌾🌾🌾🌾🌾🌾
Read more

श्री एकनाथ महाराज कृत हरिपाठ

Image
श्री एकनाथमहाराजकृत हरिपाठाचे अभंग १ हरीचिया दासा हरि दाही दिशा । भावें जैसा तैसा हरि एक ॥ १ ॥ हरी मुखीं गातां हरपली चिंता । त्या नाहीं मागुता जन्म घेणें ॥ २ ॥ जन्म घेणें लागे वासनेच्या संगे । तेचि झालीं अंगें हरिरूप ॥ ३ ॥ हरिरूप झालें जाणीव हरपले । मीतूंपणा गेलें हरीचे ठायीं ॥ ४ ॥ हरिरूप ध्यानीं हरिरूप मनीं । एका जनार्दनीं हरि बोला ॥ ५ ॥ अर्थ हरि हाच दाही दिशांना भरून राहिलेला आहे. असा श्रीहरीच्या दासांचा अनुभव असतो. (कारण) एक हरीच 'जसा ज्याचा भाव तसा त्याला अनुभवाला येतो. (हरीच्या दासांचा भाव-श्रीहरिच सर्व ठिकाणी व्यापून आहे असा असल्यामुळे तो एक हरीच त्यांना सर्व ठिकाणी अनुभवाला येतो) ।।१।। मुखाने हरी म्हटल्याने हरीच्या दासांची चिंता संपूर्ण नाहीशी होते. यामुळे त्यांना पुनः जन्म घेण्याचे कारण उरत नाही. ।।२।। (कारण) जन्म हा वासनेच्या संगतीमुळे घ्यावा लागतो. पण या हरिदासाची ती वासनाच हरिरुप झाल्याने त्यांना जन्म घेण्याचे कारण उरत नाही ।।३।। हरिदास हे हरीच्या चिंतनाने हरीस्वरूप झाल्यामुळे ज्ञानाचे काम संपले आणि अज्ञान हे तर हरी स्वरूपाच्या ठिकाणी नाहीसे झालेलेच असत...
Read more